Toshkent shahar hokimligida Korrupsiyaga qarshi kurashish hududiy kengashining 5-son yig‘ilishi bo‘lib o‘tdi

Yig‘ilishda Toshkent shahar iqtisodiyot va moliya bosh boshqarmasi, Kanallardan foydalanish va ularga tutash hududlarni obodonlashtirish boshqarmasi, “Toshkent invest kompaniyasi” AJ, “Yagona buyurtmachi xizmati injiniring kompaniyasi” unitar korxonasi, Raqobatni rivojlantirish va iste’molchilar huquqlarini himoya qilish qo‘mitasining Toshkent shahar hududiy boshqarmasi hamda Sog‘liqni saqlash bosh boshqarmasining hisobotlari tinglandi.

✅ Hisobotlarda 2026-yilning birinchi yarim yilligida korrupsiya holatlarining oldini olish, ochiqlikni ta’minlash, ayrim tizimlarni raqamlashtirish hamda korrupsiyaga imkon beruvchi sabab va shart-sharoitlarni bartaraf etish bo‘yicha amalga oshirilgan ishlar tahlil qilindi. Shuningdek, yil yakuniga qadar rejalashtirilgan chora-tadbirlar va ustuvor vazifalar muhokama qilindi.

Shuningdek, yig‘ilish davomida Kengashning 2026-yil ikkinchi yarim yillik ish rejasi ko‘rib chiqildi.