Shahar - inson uchun: Toshkentda xavfsiz piyodalar o‘tish joylari ko‘paymoqda

Joriy yilning mart oyidan buyon Yo‘l harakatini tashkillashtirish markazi mutaxassislari Toshkentning turli tumanlarida 70 dan ortiq yangi tartibga solinadigan piyodalar o‘tish joylarini barpo etishdi.

Har bir qaror ortida professional yondashuv turibdi: mutaxassislar transport va piyodalar oqimi intensivligini o‘rganib, xavfli bo‘lishi mumkin bo‘lgan hududlarni aniqlashdi hamda zarur muhandislik yechimlarini ishlab chiqishdi.

Ilgari odamlar qulay fursat kutib, mashinalar oqimi orasidan yo‘lni kesib o‘tishga majbur bo‘lgan joylarda endi piyodalarning xavfsiz va tartibli harakatlanishi uchun alohida svetofor fazalari joriy etildi.

Toshkentda xavfsiz piyodalar infratuzilmasini yaratish bo‘yicha ishlar izchil davom ettirilmoqda.