Халқлар дўстлиги куни муборак бўлсин!

Ҳурматли тошкентликлар!

Тошкент шаҳар ҳокимлиги сизларни Халқлар дўстлиги куни билан самимий муборакбод этади.

Тошкент азалдан турли миллат ва элат вакиллари тинч-тотув, ўзаро ҳурмат ва ҳамжиҳатликда яшаб келаётган бағрикенглик шаҳри ҳисобланади. Пойтахтимизнинг энг катта бойлиги — бу унинг аҳил аҳолиси, турли маданият ва анъаналарни бирлаштирган дўстлик муҳити ҳамда умумий келажак йўлида бирлашган инсонлардир.

🤝Халқлар ўртасидаги дўстлик, меҳр-оқибат ва ўзаро ҳурмат жамиятимиздаги тинчлик ва барқарорликнинг мустаҳкам пойдеворидир. Бу қадриятларни асраб-авайлаш, ёш авлодга етказиш ва янада мустаҳкамлаш барчамизнинг умумий вазифамиздир.

🏆Ушбу қутлуғ кунда ҳар бир хонадонга тинчлик, фаровонлик ва файз-барака, юртимизга эса дўстлик, ҳамжиҳатлик ва тараққиёт тилаймиз.

🙌 Халқлар дўстлиги куни муборак бўлсин!

Тошкент шаҳар ҳокимлиги 🇺🇿