7-sentyabr kuni ertalabki tig‘iz vaqtda metropoliten barqaror faoliyat ko‘rsatdi

Oliy ta’lim muassasalarida yangi o‘quv yili boshlanishi munosabati bilan Toshkent shahrida transport harakati, jumladan, metropoliten faoliyati hamkor tashkilotlar bilan birgalikda doimiy nazorat qilinmoqda.

📍7-sentyabr kuni ertalabki soat 07:00 dan 10:00 gacha metropolitenning 4 ta yo‘nalishida jami 64 ta harakat tarkibi yo‘lovchilarga xizmat ko‘rsatdi.

🚇 Mazkur vaqt oralig‘ida metropoliten orqali yo‘lovchilarni tashish bo‘yicha 243 821 ta qatnov qayd etildi.

Metropoliten faoliyatini doimiy nazorat qilish va poyezdlar harakati intervallarini qisqartirish natijasida yo‘lovchilar oqimi eng yuqori bo‘lgan Chilonzor va O‘zbekiston yo‘nalishlarida harakat barqaror tashkil etildi.

✅ Vaziyatlar markazining real vaqtdagi monitoringi davomida:
— poyezdlar harakatida uzilish va noqulayliklar qayd etilmadi;
— bekatlarda yo‘lovchilarning ortiqcha to‘planishi kuzatilmadi;
— yo‘lovchilarga xizmat ko‘rsatish jarayonida noxush vaziyatlar yuzaga kelmadi.

Yo‘lovchilarga qulay va xavfsiz sharoit yaratish maqsadida metropoliten faoliyati, shuningdek, boshqa jamoat transportlari doimiy nazorat qilib borilmoqda.