Yoshlar bilan ochiq muloqot — kelajak sari muhim qadam

Payshanba – “Yoshlar kuni” munosabati bilan Yashnobod tumani hokimi B.Rahmankulovning yoshlar bilan ochiq muloqoti bo‘lib o‘tdi.

Uchrashuv davomida yoshlarning fikr-mulohazalari, takliflari hamda ularni qiynayotgan dolzarb masalalar atroflicha tinglandi.
Har bir murojaat yuzasidan tegishli tushuntirishlar berilib, amaliy yechimlar ishlab chiqish bo‘yicha aniq vazifalar belgilandi.

Mazkur ochiq muloqot yoshlarning tashabbuslarini qo‘llab-quvvatlash, ularning bilim va salohiyatini yanada rivojlantirish, jamiyat hayotidagi faolligini oshirishga xizmat qilishi bilan muhim ahamiyat kasb etadi.

Yoshlar — kelajagimiz bunyodkorlari. Ularning ilg‘or g‘oyalari va tashabbuslari doimo e’tiborda bo‘lib, har tomonlama qo‘llab-quvvatlab boriladi.