Ислом Каримов кўчаси (собиқ Ўзбекистон кўчаси) даги Сенат биноси 1970-йилларнинг бошида Ўзбекистон Компартияси вилоят ва шаҳар қўмитаси учун қурилган.
Меъморлар: Е. Видякин
ва А. Файнлейб, муҳандис — Э. Леннешмидт.
Дастлаб бино брутал
минимализм услубида эди: фақат шиша ва бетон. Деразалар озгина чуқурлаштирилган
нишаларда жойлашган, безак элементлари сифатида фақат улар остидаги қора
панеллар бор эди. Биногнинг иккита алоҳида кириш эшиги — обком ва горком учун
алоҳида киришлар мавжуд эди. Асосий корпус орқасида қуёшдан ҳимоя бетон
панжараси билан безатилган конференц-зал блоки жойлашган.
Мустақиллик йилларида
бу ерда Ташқи ишлар вазирлиги жойлашди, шу муносабат билан бино реконструкция
қилинди: фасад қора шиша билан қопланди, оқ рангли нозик вертикал тикувлар
қўшилди, иккала киришга ҳам катта соябонлар ўрнатилди.
2021-йил декабрда
бинода Сенат жойлашди. Шу мақсадда бино яна тўлиқ қайта ишлаб чиқилди — у
дабдабали кўринишга эга бўлди ва дастлабки кўринишдан деярли ҳеч нарса қолмади.

Кўпчилик тошкентликларга Фарғона йўли кўчасидан унча узоқ бўлмаган жойда, собиқ Шумилов шаҳарчаси ...

Бешағоч майдонидаги чиройли тўрт қаватли уйлар 50-йилларнинг бошида меъморлар Митхат Булатов ва Лео...

Ўзгача чизиқлари билан ҳайратлантирадиган бу масжид Tashkent City боғи ҳудудида жойлашган. Ўтган а...

2012 йилда Тошкент ҳокимлиги ва Hyatt International ўртасида Hyatt Regency бренди остида меҳмонхона ...